Khumaar-e-gham hai, mahekti fiza mein jeete hai,
tere khayaal ki aab-o-hawa mein jeete hain,
Bade itafaak se milte hain milne waale mujhe...
Woh mere dost hai, teri wafa mein jeete hain

Firaaq-e-yaar mein saanson ko rok ke rakhte hai,
Har ek lamha guzarti qaza mein jeete hain

Na baat poori huwi thi, ke raat toot gayi
Adhure khwaab ki aadhi saza mein jeete hain

Tumhaari baaton mein koyi masiha basta hai,
Haseen labon se barasti shfaa mein jeete hain.🌸
---gulzar

 🌸
 🌸